أبو عمر و الميكانيكي‏

مرة أبوعمر راح اشتغل صبى عند ميكانيكى
وفى يوم قال لصاحب الورشة انا اعرف رئيس الحى
صاحب الورشة ما صدق ..

لكن بعد يومين مر رئيس الحى قدام الورشة وسلم على أبوعمر سلام حار جدا
صاحب الورشة اعجب بـ أبوعمر وشغله مدير فى الورشة
وبعد يومين أبوعمر قال لصاحب الورشة انا اعرف الوزير

قال له : لا هادي صعبة شويه
وفعلا بعد يومين مر الوزير قدام الورشة وسلم على أبوعمر
صاحب الورشة اتجنن وقال لـ أبوعمر يا ابنى : تعال شاركني وامسك الورشة مكانى
وبعد يومين قال أبوعمر لصاحب الورشة : انا اعرف أوباما
ولكن صاحب الورشة قال : لا كده انت بتضحك علي
أبوعمر قاله : تعال نسافر لأمريكا وانت تشوف بنفسك
وفعلا سافروا الى أمريكا ووقفوا امام البيت الابيض
وأبوعمر قال : شايف الشباك الابيض اللي هناك
حأطلع بعد شوية انا وأوباما ونقول لك هاي
وفعلا أبوعمر طلع هو وأوباما من الشباك
صاحب الورشة اندهش ولكن فجأة اغمى على صاحب الورشه واخدوه الى المستشفى
ولما فاق سألة أبو عمر: ليه اغمى عليك علشان شفتنى انا وأوباما؟
صاحب الورشة قال : لا
انا اغمى علي علشان انت وأوباما واقفين فى الشباك
مر من قدامى اثنين امريكان بيسألونى مين هادا اللي واقف جنب أبوعمر؟